其實係有黑白色既彩虹鑽石蝦而起到現時既表現,
全部都係基因突變既產品.
3,4圈 > 虎牙/v仔> 日之丸 > 白駒 / 輝煌/花頭
當中經過長時間既挑選, 將其基因穩定,
而白/金蝦亦係當中基因突變出黎既其中一種產品.
約2~3年前, 水晶蝦價格仲係非常高企,
單單一隻毫無表現既日之丸(現今眼中視為垃圾) 已經價值連城. 莫講白駒/輝煌
突然間有人發現添加白蝦基因, 可以令基因突變既情度大幅提升
更加容易出到日之丸以上既級數.
於是大伙兒都紛紛加入白蝦.
一時間令白蝦價格水漲船高.
當時蝦仔既主流質數, 冇依家大家見到既厚白,
其間人們為左出到高級既蝦仔, 縱使隻白蝦爛爛透透, 亦非常樂意添加,
亦未察覺到加入爛透蝦既後遺症,
(註: 睇返水晶蝦專門情報誌, 可以清楚得知當時蝦友玩緊既蝦仔如何級數)
經過時間既洗禮, 蝦友不斷挑蝦下
大家發覺原來一隻水晶蝦, 不論4圈v仔也好,
只要蝦身厚白, 紅白分明,
都會比一隻唔厚唔白既輝煌來得美, 來得靚.
正因以前太多人都加過一d唔靚既白蝦,
所以令到我地後一代玩蝦既都有種錯覺,
有白蝦基因既就等於唔好.
其實主要都係缺乏挑蝦所致.
依家亦有玩家有加白蝦,
玩到出神入化, 但蝦身同樣厚白非常.
而蝦天, 錦蝦, 博多, 本鋪....... 只不過係一個日本玩家既代號.
佢地既養蝦方法, 令到蝦仔有佢地既特徵.
已肯定蝦天係有加入白蝦 , 博多冇. 其他唔敢肯定.
但最後其實咪又係一隻水晶蝦.
我地香港都曾經出現過ivan 蝦, (唔係佢自己講, 而係玩家們俾佢既代號)
我既結論只要肯挑蝦, 一定會出到靚蝦,
唔挑蝦, 講乜都冇用.
==========================================================
水晶蝦係由彩虹鑽石蝦突變而成，經穩定後成為水晶蝦，而第一隻稱為水晶蝦的，係紅蝦
而第一隻黑水晶，係由紅水晶回交彩虹鑽石蝦而得來的,所以血統蝦是冇加入黑蝦(是嗎,,??)
==========================================================
鈍蝦唔等於有血統,
只不過一些基因已經穩定,子代大多有同樣or更好表現(如白度or花紋)
所有蝦隻都可以是鈍蝦.如日之丸.黑水晶,v仔等等..只要子代大多有同一花紋or白度(比例上基因穩定)
血統蝦等於基因穩定,子代表現有保證...不過已再诐挑出黑蝦.白蝦血統,,,(完因不明)
白蝦多數玩家用來出花,不過白度比較差(白蝦主要用來出花>之後再挑蝦挑返白佢>>等於基因穩定)
而家玩蝦多數2條路
a血統等於有錢就得,不過會冇左升級個過程(不過d蝦好正)
b挑蝦..最緊要白(目前白=好蝦).子代表現慢慢升級.(冇話鈍唔鈍)
=======================================================================
另我覺得F1 F2 F3 F4咁挑法都會有問題...親繁殖引致..蝦隻長大得慢,,,易死,身體細小,,等等
其實我覺得一缸有日之丸,V仔,,四圈,虎牙等等都冇乜問題(厚白就OK)(只要子代同樣厚白OR更白)
返而要留意唔好太長時間親繁殖...我會選一些厚白身體比較大蝦種打入新血(我會用公蝦),唔好比佢太弱化,花紋就冇所謂(我覺得水晶要有紅位先可以紅白分明)(厚白四圈一流,平又靓又多紅位) |
住戶編號:1905579
檢舉原因
心情: 
